Бүген Тукай музее @muztukay җитәкчелеге тәкъдиме белән үзем өчен яңа һөнәр сынап карадым. "Тукай - блогер?" дигән экскурсия уздырдым. Килгән дусларга, блогерларга, журналистларга һәм музей хезмәткәрләренә бик зур рәхмәт. Тукай бүген исән булса, нинди социаль челтәрдә утырыр иде икән? Ничә лайк җыяр иде? Ә бит 19 яшьлек Габдулла Җаекта "Фикер" газетасы редакциясендә хәреф җыючы, корректор, конторщиктан (офис-менеджер) башлап, редакторга хәтле үскән кеше. Бөтен менеджмент һәм маркетингын да үзе тарткан. Дөрес, аңа продвинутый дусты, почти мажор Камил Мотыйгый да ярдәм иткән. Петербургта, Казанда, Уфада, Оренбургта, башка шәһәрләрдә дә белгәннәр яшь Габдулланы. Нетворкинг көчле булган. Сәяси ютуб-блогер да була алыр иде Тукай. Җаекта бер санкцияләнмәгән митингта аның сыртына камчы да эләккән, дип сөйлиләр. Пластик стакан түгел бу сиңа. Тревел-блогер да була алыр иде Тукаебыз. Смартфоны булсамы, Җаектан Казанга туп-туры карап барганда инстаграмы өчен ничәмә-ничә лук төшергән булыр иде. 1905 ел. Беренче рус революциясе. Манифест. Беренче татар газеталары. Әллә ничә сәяси агым. Шагыйрь үзенең хейтерларын "Уклар", "Ялт-йолт" журналларында сатира белән троллить иткән. Тукай сәяси болганчык чорда яшәгән. Без мәгълүмати болганчык чорда яшибез...
